|
AR
MHAITH LEAT DÚSHLÁN NUA?
AR
MHAITH LEAT POST MAITH LE DEIS DO CHUID GAEILGE A ÚSÁID?
Ard-Dioplóma sa Dlítheangeolaíocht agus san
Aistriúchán Dlíthiúil
Ard-Dioplóma san Aistriúchán Dlíthiúil
Aidhm na gCúrsaí:
De bhrí gur teanga oifigiúil den Aontas Eorpach í
an Ghaeilge, beidh institiúidí na hEorpa ag earcú
dlítheangeolaithe agus aistritheoirí dlíthiúla nach foláir dóibh
ardleibhéal scileanna Gaeilge a bheith acu. Beidh na poist seo
ar fáil i bParlaimint na hEorpa, sa Choimisiún Eorpach, agus sa
Chomhairle – agus beidh tuarastal agus coinníollacha oibre den
scoth i gceist
Is ag aistriú reachtaíochta agus cáipéisí
oifigiúla eile a bheas na haistritheoirí dlíthiúla. Is é an
príomhchúram a bheidh ar na dlítheangeolaithe a cheapfar ná
dréacht-dlíthe
atá aistrithe go Gaeilge a scrúdú ó thaobh chruinneas teanga
agus chruinneas dlí de. Tá sé mar aidhm ag na
cúrsaí
seo na rannpháirtithe a ullmhú do na scrúduithe iontrála a
reáchtálfar chun na folúntais thuasluaite a líonadh.
Riachtanais iontrála:Tá
na cúrsaí seo oiriúnach do dhaoine a bhfuil caighdeán maith
Gaeilge labhartha agus scríofa acu (grád A sa pháipéar onóracha
Gaeilge san Ardteistiméireacht, cuir i gcás). Caithfidh
scileanna maithe ríomhaireachta a bheith ag iarrthóirí chomh
maith. Bíonn ar gach iarrthóir dul faoi thástáil teanga.
Ní ráthaíocht é pas a fháil ar áit a fháil ar an gcúrsa.
Roinntear na háiteanna ar na cúrsaí
ar bhonn fiúntais.
De bhreis air sin, teastaíonn céim sa dlí a
fhianaíonn staidéar ollscoile de thrí bliana ar a laghad, nó a
choibhéis, nó cáilíocht iarchéime sa dlí, nó a bheith cáilithe
mar abhcóide nó aturnae in Éirinn nó sa Ríocht Aontaithe don
chúrsa dlí-theangeolaithe.
Ní foláir
fianaise maidir leis an gcáilíocht dlí a léiriú chun sástacht
Óstaí an Rí
le trascríbhinn torthaí.
Dátaí:
Reáchtálfar an chéad chúrsa eile ó Dheireadh
Fómhair 2011-Bealtaine 2012. Reáchtálfar an scrúdú iontrála
chuige sin.
Tuilleadh
eolais ó Dháithí Mac Cárthaigh BL:
dmaccarthaigh@kingsinns.ie
Nóta tábhachtach:
Ní féidir le hÓstaí an Rí aon ráthaíocht a thabhairt go
n-éireoidh leis na rannpháirtithe poist a bhaint amach mar
dhlítheangeolaithe nó mar aistritheoirí dlíthiúla tar éis dóibh
na cúrsaí a chríochnú.
Cuireann an Roinn Gnóthaí Pobail, Comhionannais agus Gaeltachta
tacaíocht airgeadais ar fáil don dá chúrsaí seo.
|
